أجمل 30 حكمة ونصيحة
الخلاصة في 30 نقطه
١- صاحب الكل وحيد.
٢- إللى فاهم الحب بكل تفاصيله، مش مرتبط !
٣- كلام الناس كله غلط، أياً كان صح أو غلط.
٤- أنجح العلاقات أخفاها.
٥- كليتك العالية مش دليل إنك عبقري، ولا كليتك العادية دليل إنك تافه
٦- التعليم المصري عامل زي ''النيش'' ، ملوش أي ستين لزمة بس لازم يبقي موجود.
٧- إنت مش محور الكون مهما كنت مشهور.
٨- مش كل إللي بيضحك في وشك بيحبك، ولا كل إللي بيعدي من جنبك من غير ما يسلم عليك بيكرهك!
٩- مش شرط الناس تصقفلك عشان تكمل الحاجة إللى بتعملها .. لو بتحبها كمِّل فيها حتي لو محدش إدالك إهتمام أصلاً.
١٠- عيش حياتك إنت، متحاولش تقلد أي حد مهما كانت درجة نجاحه وعيش عيشه اهلك
١١- متحاولش تعيش زي بطل فيلم، عشان هو قصة مكتوبة مصممة عشان تعجب كل الناس!
١٢- متصدقش شاعر، و لو كان برج العقرب إقتله قبل ما يتكلم.
١٣- علي قدر العشم يأتي الخازوق وكلنا عارفين.
١٤- متمشيش تدلدق في روحك ورا حد، أياً كان مين.
١٥- كل حاجة بتعدي، بس و هي بتعدي بتسيب شوية حاجات مبيعدوش.
١٦- حاول تحافظ علي حلاوة البدايات أطول فترة ممكنة.
١٧- فكر و متمشيش ورا القطيع، الكثرة مش دليل علي صحة المنهج.
١٨- السمك الميت بيعوم مع التيار، و السمك الصاحي بس هو إللي بيختار طريقه.
١٩- متسحبش حد من دنيته لو مش هتعرف تزود علي حياته 100 حياة.
٢٠- ملخص علاقات الحب إنك مبتحبش لما تختار، و مش بتختار لما تحب!
٢١- كل واحد فينا جواه قصة غيرته و من ساعتها و هو مش عارف يرجع طبيعي زي الأول!
٢٢- Everything comes with a pricee.
، عشان كدة لازم تكون عارف إنت بتستغني عن إيه في سبيل إيه، عشان متندمش.
٢٣- لو في يوم إتعلمت الإنسحاب، هتبقي عادة.
٢٤- السنَّة لما عصبها بيموت إستحالة ترجع تلمع تاني زي الأول .. عامل الناس كلها بالأسلوب ده.
٢٥- مفيش حاجة اسمها Forever ، كلنا فترات في حياة بعض غير كده محن.
٢٦- كل مشكلة و ليها أكل.
٢٧- مشاكلك لو خرجت برا قلبك و حكيتها، يبقى بتزود عليهم واحدة كمان .
٢٨- حاول تفرق و النبي بين "الچنتلة" و "النحنحة" عشان الأولانية بتخليك مميز و التانية بتخليك ملزق!
٢٩- رتب دولاب حياتك كل فترة، و إتبرع بالناس إللى صغرو.٣٠- خليك واثق ف خطوتك و خليك ثابت ع مبدأك.
